Isua Krista Kohhran din tûr thu hrilhlâwkna:

March ni 1, 1966 a lo her chhuah chuan Mizoram chu mahni rorêlna ni tûrin Pu Laldênga ho chuan Independent an puang a. Mizoram khawpui lian deuh deuhte MNF chuan lâk tumin an kap ta a. Aizâwl khawpui pawh lâk ngei tumin an inkâp nasa hle a. Police Outpost awmna țhenkhatte chu an la a, Lunglei khawpui sipai awmna pawh an la ta hial a. Chutianga buaina chuan Mizoram chu a tuam ta, India sorkâr pawh a awm mai mai bîk lo va, theih ang anga ami te (sipai) țanpui chu a hna lian ber a ni ta a ni. Thlawhtheihna hmangin Aizâwl khawpui chu a bei ta chiam a,  Aizâwl khawpui chu a kang ta hluah  hluah mai a. Mipui nunaute chu himna zawngin an tlân darh a, thisen tam tak a luang bawk a. India sipaite lah an lo luh theihna ang angin an lo lût a. Mipui pawi sawi lo tam tak thah an ni a, tam tak an man bawk a, Mizoramah ralmuanna a awm ta lo a ni. Mipui an țapin an rûm tak meuh meuh a, chhantu an ngai êm êm a ni. Mahni in pawh luah lum thei lovin khaw sawikhawm (Grouping) a ni ta zêl bawk nên, lungngaiin an rûm nasa êm êm a ni.

Chutih lai chuan Pathian Thlarau hriattîr Pi Nupuii hn>nah, Pathian hn>na sual thupha chawia țawngțai a țul a ni tih thu a lo thleng a, Pu Saizahâwla inah țhutkhâwmna hmasa ber chu neih a ni ta a. Chumi-ah chuan ‘Isua zirtîr 70 tirh chhuah angin mi 70 in țhukhâwm t<r a ni,’ tih angin an țhukhawm ta a. Chu an țhutkhâwma an thur>lah chuan țawngțai inkhâwm neih dân t<r an sawiho ber a. Chutah chuan Zoram mipuiin Pathian hn>na sual thupha chawia kan țawngțai chuan Pathianin min ngaidam ang a, kan hrehawmna ata hi Lalpan min hruai chhuak leh ang tih chu an thupui ber a lo ni ta a ni.

Isaia bung 1:2-9 te, bung 1:18-22 te chu an thupui ber a ni a, chutianga an r>l hnu chuan ‘Țawngțai Inkhâwm’ chu an nei ta a. He tah hian Kohhran hrang hranga awm thlarau mite chu an fuankhâwm a, Pathianni tlaiah hun an hmang ta a. Aizâwlah chuan  Sikulpui, ‘Government Boys Middle School,’ an tihah hian a ni a.  Thlarau Thianghlim pawhin a awmpuiin a pâwl hle a, an hlimin an lâm nasa hle a ni. Thingtlâng lamah an feh chhuak ta hlawm a, khawtin tih theihah țawngțai inkhawm chu hman a ni ta a. Rambuai kârah, sipai hlauhna kârah Pathian hnathawh chu a lo lang ta z>l a,  Mizoram chu hlimnain a tuam chhuak ta a, thlarau thianghlim hnathawh a lang nasa hle.

Chutianga țawngțai inkhâwm neih a nih a, Kohhran pâwl sawi lova thlarau mite an kal muah muah lai chuan Pathianin hun hla tak ațanga Kohhran thar lo piang t<r a lo hmuh tîr chu a takin a lo lang dawn ta a ni. Kohhran lo piang t<r hi Pu Patlaia, Tlangnuam hnênah kum 1936 January ni 14 khân, ‘Kum 1971-ah in ramah Isua Krista Kohhran a lo piang ang,’ tiin  hriattîr a ni a; 1949 September ni 22 khân Pastor Kâwlthawma, Mamit hnênah Isua Krista Kohhran a lo din tur thu, ‘Kohhran lian ber a la ni ang,’ tiin hriattîr a ni bawk a. Tin, kum 1966-ah Pi Nupuii,  Reiek hnênah hriattir a ni a; kum 1967-ah Upa Chhûnga, W. Phaileng hnênah Pathianin, ‘Kohhran thar a piang ang,’ tiin a hriattîr bawk a, hêng bâkah pawh hian a dang tam tak a awm a ni. Kohhran thar lo pian tûr thu Pathianin a hriattîr zawng zawngte sawi vek sên a ni lo.

Chutih lai chuan țawngțai inkhâwm hruaitute neiin an awm a, chungte chu:- Pu Lalhnûna, Chaltlâng te; Pu Raltâwna, Durtlâng te; Pu Rokima, Aizâwl te; Pu Lalhluna, Mission Vêng te; Pi Nupui, Reiek te an ni (sawi hmaih an awm thei bawk awm  e).

Isua Krista Kohhran a ding ta:

Hêng hruaitute hian hun eng emaw chen chu an hruai a, 1971 April 4-6 hmangin Thlarau mite Aizâwlah an ko khâwm a. April 4 hi Bethel ni a ni a. Chaltlânga Bethel lungphunna hmunah hun hman a ni a, he hunah hian thlarau mite an kal țha hle a. Pu Thangkhûma B.A., S. Vanlaiphaiin a kaihruai a, Pi Nupuii’n hun a hmang thung a. Hemi țum ațang hian  mahni awmna hmun apiangah Bethel hi hman tawh tûr a ni tih chu pawm a ni a, tun thlengin mahni khua leh kohhranah hman a lo ni ta a ni (A hmain Chaltlangah Bethel lungphunnaah a huhovin hman țhin a ni). April ni 5 niin Pachhunga College, tuna Pachhunga University College (PUC) an tih tâkah hian hun hman a ni a, an zai nileng a, an hlim hle a, an lâm nileng a ni ber mai. April 6 niin Zodin Cinema Hall-ah hman a ni leh a, hetah hian rorêlna an nei a, zawlnei țhenkhatin kohhran din a hun tawh an ti a, a țhenin a la hun lo an ti bawk a, an thu a inhmu ta lo va. Kohhran din a hun tawh ti zawngte chu Pu K. Lallûta in, Vênghluiah tlai lam dâr 3:00pm-ah an kalkhâwm ta a, hetiang hian rorêl a ni ta a ni.

 

THLARAU MITE ȚHUTKHAWMNA

        A hmun      :       Pu K. Lalluta In, Vênghlui

 

        A hun         :       6th April 1971, 3:00.pm.

 

 

 

RORELTE :

 

1.     Zawlnei țhenkhatten Kohhran din a hun lo ti mahse țhenkhatin a hun an ti a, hêng khuaah te hian a ding tawh si a, mahni țheuh pawha an din ngam si avângin din mai ni se kan ti a, Headquarters atân Aizâwl ni rawh se kan ti.

 

 

 

        KOHHRAN DIN TAWHNATE:

 

        1.     Fârkâwn

 

        2.     Vaphai

 

        3.     Mamit

 

        4.     Dulte

 

        5.     W. Phaileng

 

        6.     Lêngpui

 

        7.     Reiek

 

        8.     Chhingchhîp

 

        9.     Vênghlui

 

        10.    Luangmual

 

        11.    Durtlâng

 

        12.    Hnahthial

 

       

 

Isuan zirtir sawmpahnih a thlang ang chiahin khaw sawmpahnihah a rualin a ding țhap a ni.

 

 

 

2.     General Secretary atân Pu K. Lallûta, Vênghlui; Asst. Secretary atân Pu Nghakliana,  Vênghlui. Puipa dangte thlang rih lo mai ila kan ti.

 

3.     Kohhran chanchin inhrilh fo a țul avângin tualchhûngin sum kan neih țheuh ațangin 1/10 (sawma pakhat) Headquarters-ah chhun ni se, 9/10 (sawma pakua) chu tualchhûng unit enkawl nân hman ni se, lehkhathawn vêl nân hman ni se kan ti.

 

4.     Baptisma leh Lalpa zanriah chu mahni tualchhûngah intodelh țheuh ni mai se, thu țul awm apiang chu Secretary ten lo bawhzui se kan ti a, hlim takin kan țin ta a ni.

 

 

 

He Thalarau mite țhutkhawmnaah hian R. Saptâwna, Chairman leh K.Lallûta, Secretary ten hming an sign a ni.

 

 

 

Chutianga Thlarau mite inhmukhawmin kohhran din an tihtlûk tâkah chuan October ni 5, 1971 khân Kohhran thar Committee chuan meeting an nei ta a, hetiang hian an record a:-

 

 

 

KOHHRAN THAR COMMITTEE

 

 

 

A hmun          :   Pu K.Lalluta In, Vênghlui

 

A hun            :   5th October, 1971 dâr 10:30 am.

 

Chairman       :   Pu Thangkhûma

 

Hun hmangtu :   Pi Nupuii (Țawngțaina a nei)

 

 

 

Lehkhabu (Constitution) din hualin “Lalpa hmangaihtute u, in lawm hla rawn sa r’u” tih kan sa.

 

 

 

THU REL TE:

 

 

 

1.     Kohhran thar hming atân hian eng nge kan sak dâwn? Thlarau lama hmutu chuan ‘Isua Krista Pathian Nung Kohhran’ tih hi a ni a; mahse Isua Krista chu Pathian nung a nih tlat avângin a hmu phir mai niin a lang a, chuvângin Kohhran hming atân chuan, ‘ISUA KRISTA KOHHRAN’ tih a ni ta (Isua Krista Kohhran chu Pathian nung Kohhran a ni).

 

2.     Unit tinin Pathian biak nân Biakin an sak nghal mai hi a rem lohna kan hre lo.

 

3.     Sunday School hi unit țhenkhatin kan mamawh hle a, tun atân chuan inkaihhruaina, zirlai lam buatsaihnate kan la neih bawk loh avângin țha an tih ang anga lo inkaihhruai mai ni se kan ti. Nakum lam atân erawh chuan Headquarters lamin zir tûrte rawn buatsaih thei se kan ti.

 

4.     Isua Krista Kohhran Khâwmpui (Intawhkhâwm) neih țul leh țul loh thu kan sawi hova, a țulin kan hria a, a hmun atân chuan Chhingchhîpin an rawn dil angin kan remti a, thlenkim ni atân 16th March 1972 ni se kan ti.

 

5.     Constitution buatsaih chungchângah sawihona kan nei a, engpawh ni se inkaihhruaina kan siam chin hi thlarau dân daltu a ni thei lova, chuvângin Constitution hian kan rilru la buai lo sela, a țulnate a awm chuan hman mai ni sela, a țul ang anga la siam țhat zêl ni se kan ti.

 

6.     Headquarters chelh tûr hian mi inpe zo, ram thlir thiam leh hmu, ram chuh tûr kan duh tih thu a lo lût a. Ngun taka kan sawiho hnuin tuna kan hotu dinglaite hian hna an ngah dân ang leh a țul dânin a rawn hril zêlin, mi inpete nên lo inbuatsaih chho zel rawh se.

 

7.     Hemi Kohhran chhûnga serh leh sang dân khawih kan mamawh hle a, unit tinin thlarau lam ațanga khawih thei t<r nia an hriat ten mumal takin lo inbuatsaih rih mai rawh se.

 

8.     Thuhriltu (Evangelist) kan mamawh hle nia hriatna kan nei a, harsatna tam tak kâra thlarau tirh mi chhawmdâwl nân Kohhran tinin țhahnemngaih kan chhuah țheuh a pawimawh hle niin kan hria.

 

 

 

 

 

 

 

He Kohhran thar Committee-ah hian Thangkhuma, Chairman leh K. Lalluta, Secretary ten hming an sign a ni.