Sample Sidebar Module

This is a sample module published to the sidebar_top position, using the -sidebar module class suffix. There is also a sidebar_bottom position below the menu.

Sample Sidebar Module

This is a sample module published to the sidebar_bottom position, using the -sidebar module class suffix. There is also a sidebar_top position below the search.
Thurin
  • Register

ISUA KRISTA KOHHRAN THURIN

Isua Krista Kohhran chuan a hnuaia Thurin puanchhuah sâwmte hi Kohhran member tinte vawn atân leh innghahna atân a siam a. Apostle-te Thurin sâwm hi a pawm bawk a ni.

 1. Pathian Lehkhabu Thianghlim, Thuthlung hlui leh Thuthlung thar bu hi Pathian Thlarau Thianghlim thâwk khuma ziak, rinna leh thil tih tehna dik lo thei lo a ni (II Tim. 3:16).

 2. Pathian chu pakhat a ni a, Amah chu biak leh rin tûr a ni. Ani chu awm ṭan ni nei lo, hmun tina awm, tawp chin nei lo, chatuan mi, danglam thei lo a ni a, Finna, Thiltihtheihna, Thianghlimna, Dikna, Ṭhatna, Thutak leh Hmangaihna a ni (I Tim. 2:5; Marka 12:32;Gen. 1:1; Deut. 33:27; Isaia 44:6; Jer 23:24; Mal. 3:6;I Kor.1:30;  Gal.5:22).

 3. Pathian chuan Pa, Fa, Thlarau Thianghlimin hna a thawk a. A pathum chuan pakhat nihna leh thiltihtheihna hmun khat a ni. Pa, Fa, Thlarau Thianghlim chu Pathian pakhat a ni (Joh.4:24; Joh.17:22;Mt.28:19; Gen.1:26).

 4. Amah, Isua chu Thlarau Thianghlim-in nula thianghlim Mari a paitîr a. Thu tisaa lo changin kan zîngah a lo awm a. Pa fa mal neih ropui angin a ropuizia kan hmu, khawngaih leh thutakin a khat (Lk. 1:30 -32;  Joh. 1:14).

 5. Pathianin a fapa Isua Krista chu khawvêlah a rawn tîr a. Pathian thu ang zêlin misualte kutah mantîrin Kraws-ah khenbehin a awm a. Phûmin a awm a, ni thum niah mitthi zîng ata Pathianin a kai tho a. Minung leh mitthi rorêlsak tûrin a lo kal leh ang (Lk. 24:4-7; Joh. 14:1-3).

 6. Pathian chuan a Fapa Isua Krista-in min chhandam a; Isua Krista chauh lo chu min chhandam thei an awm lo, Isua Krista chauh Chhandamtu a ni (T.T. 4:12).

 7. Pathianin Thlarau Thianghlim min pe a, Thlarau Thianghlim chuan mite an sualte hriatchhuahtirin Isua Krista hriatna lamah chuan an rilru a tivâr a. Isua Krista chu Lal leh Chhandamtua pawm turin a pui a, a pawmtute chu Pathian Fa kan ni tih min hriattîr(Rom 8:14,15).

 8. Isua Krista’n Kohhran a din a, chu chu Isua Krista Kohhran a ni. Amah, Isua Krista chu lu niin Kohhran chu a taksa a ni a. Chu Kohhran chu Amah ringtute awmkhâwmna tûr a ni (Is. 43:7; Mt. 16:18; Mika 4:5; Thuf.18:10; Joh.10:16).

 9. Mitthi thawhlehna leh chatuana rorêlna a awm kan ring (I Kor. 15:42-54; I Thes. 4:13-18; Joh. 14:1-3).

 10. Thlarau lam taksain Krista nên kum sang rorêlna a awm kan ring (I Thes. 4:13-18; Thup. 20:4).

 


 APOSTLE THURIN

1. Engkimthithei Pa Pathian, lei  leh vân siamtu chu ka ring.

2. A fapa mal Isua Krista, kan Lalpa ka ring bawk.

3. Ani chu Thlarau Thianghlimin a paitîr a, a nulât laiin Mari’n a hring a.

4. Pontia Pilata’n nasa takin a tuartîr a, khenbehin a awm a.

5. A thi ta a, phûmin a awm a, mitthi khuaah a zuk kal a.

 6. Ni thum niah mitthi zîng ata a lo tho leh a, vânah a lawn chho leh a, Engkimtithei Pa dinglamah a han ṭhu ta a.

 7. Chuta ṭangin a lo chhuk leh ang, mitthi leh minung rorêl sak tûrin.

 8. Thlarau Thianghlim ka ring a, mi zawng zawng tân Kohhran Thianghlim awm hi ka ring bawk.

 9. Mi thianghlimho inpâwlkhâwm hi ka ring a, sual ngaihdamna ka ring bawk.

 10. Taksa thawhlehna ka ring bawk - Chatuana nunna nên. AMEN.

S5 Accordion Menu

Get In Touch

  • Near Pi Pangi Kawn
    Upper Republic, Aizawl - 796001
  • 0389-2322230
  • This email address is being protected from spambots. You need JavaScript enabled to view it.